Póróus ngeni ekkewe semirit me Saam me Iin ra tongeni angei oppos ren eppetin semwen

This resource is available in other languages:

Chuukese Hindi Spanish Japanese Chamorro Fijian Pohnpeian Marshallese Palauan Samoan English Tongan

Unusenapen póróus ngeni ekkewe semirit ra tongeni angei oppos ren eppetin COVID-19 

  • En oppos ren eppetin semwen iei met mei unusen mwúriné ren ómw kopwe túmwúnuk, túmwúnú ómw famini, me chóóchóón nón neniomw seni COVID-19 –  meinisin ekkewe oppos ren eppetin COVID-19 mei watte éóchún me manamanan ren eppetin watten semwen, nuing pioing, me mánó seni COVID-19.  
  • Ach angei oppos ren eppetin COVID-19 iei ew anen ach sipwe niwiniti met kich mei féfféri nón manaúach – ach angei oppos ren eppetin semwen iei met mei unusen mwúriné ach sipwe okufu ei ménún semwen me niwin ngeni ach sipwe chuufengen ngeni chiechiach, sukkun nón féúfféún aramas, fiti concert (kéén me etik kéén), urumwot, me sái nón ach sipwe mefi túmwún.  
  • Meinisin ekkewe oppos ren eppetin COVID-19 mei épéchékún ngeni chóón Merika ar repwe aia pokiten mei éóch iká mwúriné – Minion aramas nón Merika ra angei oppos ren eppetin COVID-19, iwe mei sópwosópwonó watten angangen kakkaton ei oppos ren túmwúnún ngeni inis me éóchún. CDC mei pesei me épéchékúna an aramas repwe mwútir ne angei ei opposun eppetin semwen.  
  • Ei oppos ren eppetin semwen iei met mei unusen mwúriné ren túmwúnún noumw ewe semirit seni COVID-19 – meinisin opposun COVID-19 mei watte manamanan ren eppetin watten semwen nuing piong, me máno seni COVID-19.  
  • Póróus ngeni néún noumw ewe semirit tóktér iká ewe néún ómw ena famini tóktêr ren semwen me sáfei iká pwe e wor ómw kapas eis – mei kan ina ussun ómw kopwe kapas eis ren túmwúnún noumw ewe semirit.  Póróus ngeni néún noumw ewe semirit tóktér ren tichikin pénúwan ómw kapas eis.  

Unusenapen póróus ren ekkewe oppos ren eppetin COVID-19  

  • Meinisin oppos ren eppetin COVID-19 mei unusen mwúriné me watte manamanan an epwe epeti watten semwen, nuing pioing, me mánó seni COVID-19. 
  • Oppos ren eppetin COVID-19 mei tongeni awora ekkóch watten semwen nge mei unusen weires iká ese nap an epwe fiis. Napengeni esisinen semwen e etto seni mei pwúkún wesinó wón aan mwúrin fitu ráán. Metekin sópwun paw iei ei esisinen semwen e kon kan soun fiis meren ewe nenien oppos.  
  • Mei mwútir férún ewe oppos ren eppetin COVID-19 pokiten mei etto seni fitepwúkú ierin ar angang me sinei férún oppos ren eppetin semwen; pisekin technology mei minafé ngeni en opposun eppetin semwen nge ir mei káeó ngeni nón úkkúkkún rúe ier; ewin férún ewe oppos ren eppetin COVID-19 iei ir mei angang wón me ren ewe National Institutes of Health; me engon me fitu ngéréú chóón fangetá ni ar fansoun me mochen repwe áninis ne fiti ekkewe asósótun ei oppos minne a awora an epwe mwútir ne iói fengen póróusen éóchún me manamanan ei oppos. Mei chék fisi fengen fan ew férún en opposun eppetin semwen me ar katon pwúngún tes ra pwan ioni ina pwata mei pwan mwútir an epwe titinó ekkewe opposun eppetin ei semwen nón chêk fitu ráán an FDA epwe etiwa me mwuutatá aian.  
  • Meinisin ekkewe ra 6 maramer me watte seni repwe angei opposun eppetin COVID-19. Mei wor únúngát anen ómw kopwe kúna ekkewe oppos e nómw unukumw:  
    • Nó ngeni vaccines.gov 
    • Text ómw ZIP code ngeni 438829 
    • Kékkéri 1-800-232-0233