Mehn Kapehse Ong Seri kan me Warohng Ale Doken Silasil oh Pahpah oh Nohno Kan 

Ire lap akan ong seri kan me warohng ale doken silasil en COVID-19 

• Doken silasil iei ahl me keieu mwahu en perei komwi, omw peneinei, oh irail akan nan omw kousapw sang COVID-19 – doken silasil koaros me miehier udahn doadoahk mwahu pwehn perehsang soumwahu laud, kapidelong nan imwen wini, oh mehla pwehki COVID-19. 
• Alahldahn doken silasil pahn sewesei kitail pwuralahng ahnsoun mwehi mwahu – alepen doken silasil iei ahl me keieu mwahu en kemehla mwahs wet oh pwuralahng ahnsou me kitail kak en ehupene rehn koampoakepatail kan, pwurala ni sukuhl, towehda mehn kamweit en koul (concert), kamwadong kan, oh pilehu seiloak. 
• Doken silasil koaros me wiawihda ong COVID-19 nan weihn United States doadoahk mwahu oh sohte keper – Aramas rar rar kei nan weihn United States alehier doken silasil en COVID-19, oh tehtehk tik pahn doudoulahte ong doken silasil pwukat pwehn kasawih ma mie keper pan pwarada. Pelien CDC kangoange aramas en ale doken silasil ni ahnsou karwaru. 
• Doken Silasil iei ahl me keieu mwahu en pere sapwelimwomwi seri sang COVID-19 – doken silasil koaros me wiawihda ong COVID-19 mwahu douluhl pwehn pere soumwahu laud, kapidelong nan imwen wini, de mehla pwehki COVID-19. 
• Komw ale kaweid rehn en noumw seri eh toahkte de toahktehn omw peneinei ma mie omw iren kalelapak – Kaidehn mehkot kapwuriamwei ma mie omw iren kalelapak duwen epwelpen sapwelimwomwi seri. Komw dehr pweiek en koasoi ong toahktehn noumw serien pwehn ale pasepeng tik kan. 

Ire Lap akan en doken silasil en COVID-19  

• Doken silasil koaros me wiawihda ohng COVID-19 wia mehn perehre lipwan ohng soumwahu laud, kapidelong nan imwen wini, de mehla pwehki COVID-19. 
• Mie soahngen ire keper me kak pwarada mwurin doken silasil en COVID-19, ahpw ire keper kan sohte kalapw wiawi. Apwal ire keper pwukat en pwarada. Pali laud en ire pwukat kin pein sohrala mwurin rahn kei. Ire me kin kalapw pwarada iei medek ni peh ni wasa me dok o kohieng ie. 
• Doken silasil sohte keper pwukat ong COVID-19 wiawihda mwadang pwehki ihr me wiahda wini pwukat doadoahngki ahr roporop oh doadoahk en doken silasil kan sangehr erein sounpahr epwiki kohkohdo lel rahnwet; re pil doadoahngki pelien technology me kapw ong doken silasil ahpw me roporop wiawikiher erein sounpahr 20; ahr doadoahngki doken silasil me tepin wiawihda ong mwahs en coronavirus (prototype) sang ohpis en National Institutes of Health; oh uwen aramas tohtoh sang kid kid kei me toukihda ahr ahnsou pwehn iang wia roporop de sosohng wet pwehn mwadang kihpene ire kesempwal kan duwen kamwahupeh kan oh lipwanpehkan. Ni ahnsowohte, wiawihdahn doken silasil patehng tetehk en sosohng kan pil kahrehiong doken silasil pwukat ahr kak pekederpeseng mwurin rahn kei en FDA ahr kamanahla. 
• Pelien federal government ketikidahr doken silasil ni soh pweipwei ong aramas koaros nan wehin United States. 
• Koaros me sounpwong 6 oh laudsang anahne ale doken silasil en COVID-19. Ahl siluh mie me komw kak idahwehn pwe komwi en diar wasahn doken silasil me karanih komwi: 
  • Komw ketla de patohla ni vaccines.gov 
  • Komw kadarala text en sapwellimwomwi ZIP code ni nempeh wet 438829 
  • Eker nempeh wet 1-800-232-0233